Liderlik, rəhbərlərin qiymətləndirilməsi və inkişafı proqramının tətbiqi

Təsvir:

Müxtəlif idarəetmə səviyyələrində rəhbərlərdən gözlənilən liderlik davranış və bacarıqlarının, kompetensiyaların müəyyən edilməsi. Rəhbərin birbaşa rəhbər, həmkarlar, tabeliyində olan əməkdaşlar və özü tərəfindən qiymətləndirilməsi sisteminin hazırlanması. Rəhbərlərin situasiya tapşırıqları, təqdimatlar, rol oyunları və digər üsullarla kompleks qiymətləndirilməsi. Müxtəlif rəhbərlik səviyyələri üzrə sistemli liderlik inkişaf proqramlarının qurulması. Mütəxəssis rolundan rəhbər roluna keçən əməkdaşların yeni idarəetmə və liderlik bacarıqları ilə hazırlanması. Rəhbərlərin fərdi inkişafının kouçinq və mentorluq vasitəsilə dəstəklənməsi sisteminin yaradılması.

Müştəriyə təqdim edilən nəticələr:

Liderlik kompetensiyaları, davranış göstəriciləri, səviyyələr üzrə gözləntilər. Müvafiq sorğular, kompetensiya modeli ilə əlaqə, praktik təlim modulları, inkişaf proqramı və planları, inkişaf tövsiyələri. Qiymətləndirmə ssenariləri, praktiki tapşırıqlar, səmərəlilik meyarları, fərdi nəticə hesabatları, kouçinq və mentorluq çərçivəsi.

Müddət: 4–12 həftə.

Xidmətin biznesə faydası:

Rəhbərlik keyfiyyətinə dair təşkilat daxilində vahid standart yaradır. Rəhbərin davranışına dair daha balanslı və çoxmənbəli geribildirim yaradır. Rəhbər seçimi və inkişaf qərarlarında daha yüksək obyektivlik təmin edir. Təşkilat daxilində idarəetmə keyfiyyətini və rəhbərlik ehtiyatını gücləndirir. Yeni rəhbərlərin ən çox rast gəlinən idarəetmə səhvlərini azaltmağa kömək edir. Rəhbər inkişafını ümumi təlimdən fərdiləşdirilmiş inkişaf modelinə keçirir.