"Business Management School" MMC Qeyri-maliyyəçilər üçün Maliyyə təliminə qeydiyyatı açıq elan edir.
Niyə bu təlim?
Gəlirlər və xərclər, mənfəət və səmərəlilik, layihələr və investisiyalarla bağlı müzakirələrdə özünüzü itirdiyinizi hiss etmisinizsə, tək deyilsiniz. Bu proqram maliyyə anlayışlarını sadələşdirir və onların işinizə necə təsir etdiyini göstərir. Aydın izahatlar, praktik nümunələr və praktiki məşqlərlə siz maliyyə məlumatlarından səmərəli istifadə etmək üçün inam qazanacaqsınız.
Bu təlim kimin üçündür:
Maliyyə hesabatları, büdcələr və ya rəqəmlərlə işləyib, lakin onların mənası ilə bağlı qeyri-müəyyənlik hiss edənlər;
Gündəlik işi ilə əlaqədar maliyyə komandaları ilə əməkdaşlıq edib effektiv ünsiyyət qurmaq istəyənlər;
Gəlir və xərclər, mənfəət, büdcələr və ya yeni layihələr haqqında əsaslandırılmış qərarlar qəbul etmək istəyənlər;
Təşkilatının maliyyə sistemini anlamaq və onun sağlamlığını qiymətləndirib dəyər qatmaq istəyənlər.
Təlimin Sonunda Nə Öyrənəcəksiniz?
Şirkətlərdə mühasibatlıq və maliyyə sisteminin necə qurulduğunu;
Maliyyə hesabatlarının əsaslarını (mənfəət-zərər hesabatı, balans hesabatı, pul vəsaitlərinin hərəkəti);
Biznesin necə getdiyini göstərən əsas rəqəmlərin necə hesablandığını;
Büdcələrin necə tərtib edildiyini və büdcə nəzarətinin necə qurulduğunu;
Xərclər, qənaət və investisiyalar haqqında daha yaxşı qərarlar qəbul edillməsi üçün anlayışları;
Doğru terminlərdən istifadə edərək maliyyə komandaları ilə daha anlaşıqlı ünsiyyət qurmağı.
1. Maliyyənin Əsasları
Maliyyə və mühasibatlıq nədir və işinizə necə təsir edir?
Şirkətlərdə və bizneslərdə maliyyə strukturları və onlarla iş
Mühasibatlıq, vergi və maliyyə – nə iş görür və fərqi nədir
Əsas maliyyə terminləri sadə şəkildə
Maliyyə məlumatlarının qərar qəbulu ilə əlaqəsi
2. Maliyyə Hesabatları ilə Tanışlıq
Müəssisənin əsas maliyyə hesabatlarına giriş və onlar arasında əlaqə
Mənfəət-zərər hesabatı və onun təhlili
Maliyyə vəziyyəti haqqında hesabat (balans hesabatı) - şirkətin vəsaitlərinin mənbələri və onlardan istifadə istiqamətləri
Pul vəsaitlərinin hərəkəti haqqında hesabat. Təşkilatın əməliyyat, investisiya və maliyyə fəaliyyətləri hansılardır?
Keys: Maliyyə hesabatlarının oxunması. Üç əsas maliyyə hesabatında əlaqələrin təhlili.
3. Maliyyə təhlili və ən vacib üçün göstəricilər
Müəssisənin uğurlu fəaliyyətinin əsas göstəriciləri
Hansı göstəricilər gəlirliliyi xarakterizə edir? Satış səmərəliliyi, aktivlərdən və ya kapitaldan istifadə səmərəliliyi
Biznes fəaliyyətinin təhlili. Şirkətin maliyyə tsiklinin hesablanması. Dövriyyə kapitalının idarə edilməsi: ehtiyatlar, debitor və kreditor borclar
Keys: Excel-də maliyyə hesabatlarının təhlili
4. Xərclərin idarə edilməsinin əsasları
İdarəetmə uçotu nədir, qərar qəbuluna necə dəstək verir
Xərcləri birbaşa və dolayı, sabit və dəyişənlərə necə düzgün təsnif etmək olar
İdarəetmə qərarları qəbul etmək üçün CVP təhlilindən istifadə.
Keys: CVP təhlili əsasında yeni bazarlara daxil olmaq barədə qərarlar qəbul etmək
Əməliyyat və maliyyə göstəricilərinin iqtisadi mənası. İdarəetmə qərarları qəbul edərkən onlardan necə istifadə etmək olar?
5. Büdcənin əsasları
Ümumi büdcə prosesi. Şirkətin əməliyyat və maliyyə büdcələri. Büdcə prosesinin ardıcıllığı
Şirkətin üç əsas maliyyə büdcəsi: məqsədləri və fərqləri?
Pul vəsaitlərinin hərəkətinin təhlili
Nağd pul çatışmazlığının səbəbləri və həlləri
Keys: Excel-də maliyyə modeli ilə işləmək, o cümlədən gəlir və xərclər büdcəsi, pul vəsaitlərinin hərəkəti büdcəsi, maliyyə vəziyyəti büdcəsi
Təlimin ümumi müddəti 12 saatdır.
Təlim həftənin 3-cü günləri saat 19:00-dan 21:00-a kimi və 6-cı günləri isə 16:00-dan 18:00-a kimi keçirilir və 3 həftə davam edir.
