Kargüzarlıq və Elektron Sənəd Dövriyyəsi Təlimi

Təlimin məqsədi

Təlimin məqsədi iştirakçılara təşkilat daxilində kargüzarlıq və sənəd dövriyyəsi proseslərini düzgün qurmaq, sənədlərlə işi sistemli aparmaq, arxiv proseslərini təşkil etmək və elektron sənəd dövriyyəsi alətlərindən səmərəli istifadə etmək üçün praktik bilik və bacarıqlar qazandırmaqdır.

Kimlər üçün nəzərdə tutulub?

Təlim aşağıdakı şəxslər üçün nəzərdə tutulub:
Dövlət qurumlarında və özəl şirkətlərdə kargüzarlıq və sənəd dövriyyəsinə cavabdeh əməkdaşlar;
Ofis menecerləri, inzibati heyət və katiblik əməkdaşları;
Arxiv və sənəd idarəetməsi üzrə əməkdaşlar;
Vətəndaş və müştəri müraciətləri ilə işləyən əməkdaşlar;
Elektron sənəd dövriyyəsi sistemindən istifadə edən və ya bu sahədə fəaliyyətə başlamaq istəyən şəxslər.

Təlimi başa vuran iştirakçı nə əldə edəcək?

Kargüzarlığın əsas prinsiplərini və sənəd dövriyyəsinin məntiqini anlayacaq;
Daxil olan və göndərilən sənədlərin qəbulu, qeydiyyatı, yönləndirilməsi və icrasına nəzarət proseslərini təşkil edə biləcək;
Vətəndaş müraciətlərinin qəbulu, qeydiyyatı, baxılması və cavablandırılması proseslərini daha sistemli idarə edəcək;
İşlərin nomenklaturası, arxivləşdirmə, saxlanma və sənədlərin məhv edilməsi ilə bağlı əsas iş prinsiplərini mənimsəyəcək;
Məxfi sənədlərlə iş zamanı tətbiq olunan təşkilati tələblər barədə anlayış əldə edəcək;
Elektron sənəd dövriyyəsi sistemində sənədin qeydiyyatı, icraya yönləndirilməsi, nəzarəti və arxivləşdirilməsi mərhələlərini praktik şəkildə tətbiq edə biləcək;
Elektron imzanın sənəd dövriyyəsində rolunu və tətbiq prinsiplərini anlayacaq.

Təlim metodikası

Təlim nəzəri izahlarla yanaşı, real iş proseslərinə yaxın praktik çalışmalar əsasında keçirilir. İştirakçılar sənəd qəbulu və qeydiyyatı, dərkənarın verilməsi, müraciətin yönləndirilməsi, cavab məktubunun hazırlanması, arxivləşdirmə və elektron sistemdə sənədin icrası kimi prosesləri simulyasiya edilmiş situasiyalar üzərində tətbiq edirlər.

Məqsəd yalnız qaydaları öyrənmək deyil, həmin qaydaları gündəlik iş prosesində düzgün tətbiq etmək bacarığı formalaşdırmaqdır.

Qeyd: Korporativ sifarişlər zamanı proqram təşkilatın fəaliyyət sahəsinə, istifadə etdiyi sənəd dövriyyəsi sisteminə və daxili prosedurlarına uyğunlaşdırıla bilər.

Təlim proqramı

Dərs 1. Sənəd və kargüzarlığa giriş

Sənəd anlayışı, onun idarəetmədə rolu və əhəmiyyəti
Sənədlərin əsas növləri və istifadə sahələri
Sənəd və kargüzarlığın inkişafına qısa baxış
Sənədlərlə işləyən əməkdaş üçün əsas peşəkar tələblər: diqqətlilik, məsuliyyət, məxfilik və təşkilatçılıq
Kargüzarlığın ümumi əsasları
Sənəd dövriyyəsi anlayışı və sənədin təşkilat daxilində hərəkəti

Dərs 2. Ümumi kargüzarlıq