Təhlükəsiz əmək şəraitinin yaradılması müəssisənin hüquqi öhdəliklərini düzgün anlamasından başlayır. Bu təlim Azərbaycan Respublikasında əməyin mühafizəsi sahəsində tətbiq olunan əsas qanunvericilik və normativ tələblərlə tanış edir. İştirakçılar işəgötürənin və işçilərin vəzifələrini, müəssisədaxili məsuliyyət bölgüsünü və əməyin mühafizəsi sənədləşməsinin əsaslarını öyrənirlər.
Təlim kimlər üçündür?
Müəssisə və struktur bölmə rəhbərləri;
SƏTƏM və əməyin mühafizəsi mütəxəssisləri;
İnsan resursları və inzibati işlər üzrə əməkdaşlar;
Sahə rəhbərləri, mühəndislər və supervayzerlər;
Əməyin mühafizəsi üzrə məsul şəxslər.
Təlim iştirakçıları nələr qazanacaqlar?
İştirakçılar müəssisənin fəaliyyətinə aid əsas hüquqi tələbləri müəyyənləşdirmək, məsuliyyətləri fərqləndirmək və sənədləşmədəki boşluqları aşkar etmək üçün baza bilikləri əldə edəcəklər. Nümunə yoxlama siyahısı əsasında ilkin uyğunluq qiymətləndirməsi aparmağı öyrənəcəklər.
Təlim metodu
İnteraktiv təqdimat, normativ sənədlərlə iş, situasiya təhlili, qrup müzakirələri və yekun bilik yoxlaması.
Təlimin qısa təsviri
Əməyin mühafizəsi üzrə yerli hüquqi tələbləri, tərəflərin məsuliyyətlərini və müəssisədə uyğunluğun təşkilinin əsaslarını əhatə edən təlim.
Təlimin proqramı — mündəricat
Əməyin mühafizəsi üzrə hüquqi çərçivə və əsas anlayışlar;
Əmək Məcəlləsinin əməyin mühafizəsinə aid müddəaları;
İşəgötürənin və işçilərin hüquq və vəzifələri;
Əməyin mühafizəsi işinin təşkili və məsuliyyət bölgüsü;
Təlim, təlimatlandırma və biliklərin yoxlanılması;
İş şəraitinə uyğun mühafizə tədbirləri və sağlamlığın qorunması;
Hadisələrin bildirilməsi və araşdırılması üzrə əsas öhdəliklər;
Müəssisədaxili əmrlər, təlimatlar və qeydiyyat sənədləri;
Nəzarət, uyğunsuzluqlar və düzəldici tədbirlər;
Praktiki tapşırıq: ilkin uyğunluq yoxlama siyahısı.
