Problemlərin həlli və qərarların qəbulu

Uğurlu biznesləri fərqləndirən əsas amil problemlərin yoxluğu deyil, onların hansı sürət və dəqiqliklə həll edilməsidir.

İş həyatında hər gün onlarla həlledici qərar qəbul edirik. Bəs onların neçəsi obyektiv təhlilə, neçəsi isə beynimizin bizə qurduğu psixoloji tələlərə (qərəzlərə) əsaslanır? BMS - Business Management School tərəfindən təqdim olunan "Problemlərin həlli və qərarların qəbulu" təlimi xaosdan çıxış yollarını tapmaq, kreativ ideyalar generasiya etmək və idarəetmədə kognitiv xətalardan sığortalanmaq üçün dizayn edilmiş unikal və praktiki proqramdır.

Bu təlimdə siz həm fundamental diaqnostika alətlərini (İsikava, Pareto), həm də qərar qəbuletmədə ən müasir psixoloji analizləri ("Sürətli və ləng beyin", davranış iqtisadiyyatı) mənimsəyəcəksiniz.
 

• Strateji və operativ qərarlar qəbul edən rəhbərlər, layihə menecerləri və şöbə müdirləri.
• Böhran vəziyyətlərində komandanı və prosesləri idarə etməli olan aparıcı mütəxəssislər.
• Problemlərin səthindəki əlamətlərlə deyil, kök səbəbləri ilə (Root Cause Analysis) mübarizə aparmaq istəyən analitiklər.
• Öz düşüncə tərzini strukturlaşdırmaq və qərarlarını rasional matrislərə əsaslandırmaq istəyən hər kəs.

• Problemlərin əsl kökünü tapmaq üçün "Balıq sümüyü" (İsikava) və "5 Niyə" metodlarını real biznes keyslərində tətbiq edəcəksiniz.
• SCAMPER, Sinektika və Beyin fırtınası kimi alətlərlə çərçivəni aşan (out-of-box) kreativ çıxış yolları tapacaqsınız.
• Qərar qəbul edərkən "Lövbər effekti", "Konkord effekti" və "Halo/Horn effektləri" kimi psixoloji tələlərə (bias) düşməkdən qorunacaqsınız.
• Fərdi və qrup şəklində qərarları təsadüflərə deyil, Dekart kvadratı, Qərar matrisi və Delfi metodu kimi dəqiq alətlərə etibar edəcəksiniz.